+998 55 506 05 06 (216)
info@uzgastrade.uz
Ochiq ma’lumotlar
O‘zbekcha
Biz O'zbekiston gaz bozoridagi biznes hamkoringizmiz
Aksiya va dividendlar hamda aktivlarni sotish haqida ochiq ma’lumotlar
Agar savollaringiz mavjud bo’lsa biz bilan bog‘laning
Ko'p so'raladigan savollar
“UzGasTrade ” AJ bilan shartnoma tuzish jarayoni qanday?
"UzGasTrade" AJ tomonidan xo‘jalik shartnomalarini tuzish, bajarish, o‘zgartirish va bekor qilishda yuzaga keladigan munosabatlar O‘zbekiston Respublikasining Fuqarolik kodeksi, "Xo‘jalik yurituvchi subyektlar faoliyatining shartnomaviy-huquqiy bazasi to‘g‘risida" 29.08.1998-yildagi 670-I-son Qonuni, Vazirlar Mahkamasining "Elektr energiyasi va tabiiy gazdan foydalanish qoidalarini tasdiqlash to‘g‘risida" 31.05.2024-yildagi 319-son qarori va boshqa qonunchilik hujjatlari bilan tartibga solinadi.
Aksiyadorlarning umumiy yig'ilishi qachon o'tkaziladi?
Aksiyadorlarning yillik umumiy yig‘ilishi jamiyat ustavida belgilangan muddatlarda, lekin moliyaviy yil tugaganidan keyin olti oydan kechiktirmay o‘tkaziladi.
Jamiyatga ishga kirish jarayoni qanday?
Jamiyatning bo‘sh ish o‘rinlariga nomzodlar "UzGasTrade" AJning rasmiy sayti orqali Jamiyatdagi bo‘sh ish o‘rinlari haqidagi e’lonlar bilan tanishishi va bo‘sh ish o‘rinlari bo‘limi orqali o‘z ma’lumotlarini (CV, maqsad va aloqa ma’lumotlari) yuborishi mumkin, keyingi bosqichda nomzodning hujjatlar o'rganiladi, agar u vakant lavozim talablariga javob bersa, nomzod bilan bir necha bosqichda suhbat tashkil etiladi. Ariza topshirgan har bir nomzod o‘z arizasining holatini saytda tekshirishi mumkin.
Nega gaz tanqisligi bor?
Respublikada tabiiy gaz tanqisligining asosiy sababi mavjud gaz konlarining eskirishi, shuningdek, yangi konlarni qazib olish va o‘zlashtirish jarayonining murakkabligidir. Masalan, avvallari tabiiy gaz 1,5 – 2,0 ming metr chuqurlikdan qazib olingan bo‘lsa, hozir bu ko‘rsatkich 3,2 – 5,2 ming metrga yetdi. Bugungi kunda mamlakat resurslari cheklangan bo`lib, aholining ko'payishi va iqtisodiyotimizning tez o`sishi hisobiga tabiiy gazga bo'lgan talab ortib bormoqda. Jumladan, Respublikamiz aholisi har yili 600 ming kishiga ko‘paymoqda, davlat iqtisodiyotining o‘sish sur’ati 5 foizga oshmoqda.
O‘zbekistonda tabiiy gaz resurslari taqchilligi muammolarini bartaraf etish bo‘yicha qanday choralar ko‘rilmoqda?
“UzGasTrade” aksiyadorlik jamiyati tomonidan qo‘shni davlatlardan importni jalb qilish bo‘yicha faol ishlar olib borilmoqda. Bunda, O‘zbekiston Respublikasi ehtiyojlari uchun tabiiy gaz yetkazib berish uchun muzokaralar olib boriladi.
Ayni damda gaz sotish tariflari qanday?
O‘zbekiston Respublikasi Vazirlar Mahkamasining 2019-yil 3-dekabrdagi “O‘zbekiston Respublikasi Vazirlar Mahkamasi huzuridagi Idoralararo tarif komissiyasi faoliyatini tashkil qilish chora-tadbirlari to‘g‘risida”gi 964-son qaroriga muvofiq, O‘zbekiston Respublikasi Vazirlar Mahkamasi huzuridagi Idoralararo tarif komissiya gaz ishlab chiqaruvchilar va qayta ishlash tashkilotlari tomonidan ishlab chiqarilgan hamda O‘zbekiston Respublikasi hududida aholi va tadbirkorlik subyektlariga sotiladigan tabiiy gaz narxlarini belgilaydi.
