“Vatan uchun, millat uchun, xalq uchun!” degan ezgu gʻoyani oʻzida mujassam etgan Oʻzbekiston Respublikasi davlat mustaqilligining oʻttiz toʻrt yilligini munosib nishonlash yuzasidan amalga oshiriladigan chora-tadbirlar rejasiga muvofiq joriy yilning 16-avgust, shanba kunida “UzGasTrade” aksiyadorlik jamiyati xodimlarining respublikaning noyob geologik merosi ekspozitsiyalari jamlangan Davlat geologiya muzeyiga tashrifi tashkil etildi. Tashrif buyurganlar muzeyda Yerning geologik taraqqiyot bosqichlari, davrlar izini qoldirgan oʻzgarishlar, qadimgi togʻ-kon sanoat qazilmalari, qadimgi jonzotlar, dinozavrlar qoldiqlari, ularning tosh qotgan qadam izlari, toshlarda muhrlanib qolgan boshqa jonzotlar va asosiysi, Oʻzbekistonning geologik boyligi va turfa xilligiga guvoh boʻlishdi,  shuningdek, muzey xodimlari tomonidan oʻzlarini qiziqtirgan barcha savollar boʻyicha batafsil maʼlumotga ega boʻldilar.