Joriy yilning 28-noyabr kuni “UzGasTrade" jamiyatida xodimlarning ma’naviy-psixologik holati, jamoada o‘zaro anglashuv va hamkorlik madaniyatini rivojlantirishga qaratilgan keng qamrovli psixologik trening tashkil etildi. Trening davomida ishtirokchilar shaxsiy rivojlanish, muloqot madaniyati, fikrni to‘g‘ri ifoda etish, stress holatlarida o‘zini boshqarish kabi yo‘nalishlarda malaka oshirishdi. Turli interaktiv o‘yinlar, guruh mashqlari va ijodiy – rasmlar chizish topshiriqlari orqali xodimlarning fe’l-atvori, hissiy holati va jamoada tutgan o‘rni chuqur tahlil qilindi. Mashg‘ulot yakunida har bir ishtirokchiga individual tavsiyalar berilib, jamoada birlik, samimiylik, o‘zaro hurmat va ahillikni kuchaytirish bo‘yicha amaliy yo‘nalishlar taqdim etildi. Bunday treninglar xodimlarning psixologik barqarorligini mustahkamlash, ish jarayonida samaradorlikni oshirish hamda sog‘lom muhitni shakllantirishda muhim omil bo‘lib xizmat qiladi.