Jamiyatda 8-mart — Xalqaro xotin-qizlar kuni munosabati bilan bayram tadbirlari tashkil etildi. Sana arafasida Jamiyat binosida bayramona muhit yaratish maqsadida bannerlar joylashtirildi.

Shuningdek, Jamiyatning ma’naviy-ma’rifiy Telegram sahifasida ayollarga bag‘ishlangan bayram tabriklari, video lavhalar hamda she’riy postlar e’lon qilinib, xotin-qizlarga hurmat va ehtirom ifodasi keng yoritildi.

Joriy yilning 6-mart kuni Jamiyat xotin-qizlari uchun “Ayolga ehtirom” nomli tadbir tashkil etildi. Tadbir davomida bugungi kunda davlatimiz tomonidan ayollarga ko‘rsatilayotgan yuksak e’tibor, yaratilayotgan keng imkoniyat va shart-sharoitlar, shuningdek berilayotgan imtiyozlar haqida so‘z yuritildi.

Bayram tadbiri davomida Jamiyat rahbariyati tomonidan xotin-qizlarga samimiy tabriklar yo‘llanib, ularga esdalik sovg‘alari topshirildi. Tadbir samimiy va ko‘tarinki kayfiyatda, fayzli dasturxon atrofida davom etdi.